Polonia dëshiron që me anë të një lotarie, popullsia të motivohet për tu vaksinuar kundër Covid-19. Shteti do të japë më shumë se 31 miliona euro për këtë fushatë, tha një zëdhënës i qeverisë.
Lotaria do të fillojë me 21 korrik. Në lotari mund të marrin pjesë dhe ata që janë vaksinuar tashmë. Dy çmimet kryesore kanë një vlerë prej 223 mijë eurosh. Si çmime në lotari janë dhe disa makina hibride. Një nga 200 të vaksinuar, që merr pjesë në lotari mund të fitojë një çmim të vogël prej 110 eurosh.
Sipas të dhënave të qeverisë në Poloni tashmë janë bërë 18.3 milion doza vaksine. Rreth 5,6 miliona njerëz janë plotësisht të vaksinuar. Në Poloni jetojnë rreth 38 miliona njerëz./Die Zeit/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
