Në emisionin “Xhadat” është drejtuar familja “Kruda”, e cila jeton në vështirësi të madhe ekonomike, në zonën “Kodra e Priftit”. Me 3 pjesëtarë të sëmurë, kjo familje e ka të pamundur të përballojë jetesën, pasi e vetmja e ardhur që kanë është pensioni i gjyshes. Mes lotësh i kërkojnë shqiptarëve që t’i ndihmojnë me çfarë të kenë mundësi.
“Unë jam pensioniste, e sëmurë me tension, zemër... Marr 150 mijë lekë pension dhe me kaq lekë mbahemi ne, 4 veta. Mbesa dhe çuni janë të sëmurë, po nga pamundësia nuk ia bëjmë dot kontrollet. Këtë shtëpi ma ka lënë vëllai im që ka vdekur, mobiljet na i kanë dhuruar, por edhe këtu ka shumë lagështirë. Ne nuk kemi me çfarë të ushqehemi, sepse nuk punon asnjë nga ne. Frigoriferin e sheh bosh. Ne kemi nevoje për ushqime, para, që të trajtojmë në spital gocën e vogël, se ka vuajtur shumë. Bëjmë thirrje që kush të mundet të na ndihmojë”- shtoi Drita Kruda.
Ndërsa për nusen e shtëpisë, Anxhelinën, halli më i madh është vajza e saj e vogël.
“Jemi me shumë probleme. Burrin e kam sëmurë, gocën sëmurë. Të dy janë operuar, por operacionin e vajzës e kaluam shumë keq. Zgjati shumë dhe ishte në rrezik, por falë zotit shpëtoi. Tani duhet t’i bëjmë kontrolle, ta trajtojmë, por ne s’kemi mundësi…biles ajo fëmijë 4 vjeç ushqehet me bukë me djathë, se s’kemi çfarë t’i japim tjetër. Burri e ka të pamundur të punojë sepse është i sëmurë, i operuar. Me pensionin e nënës vështirë së do përballojmë edhe shumë. Vini dorën në zemër për këtë fëmijë”.
Cel: 0682655051
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
