Ish-presidenti amerikan dhe kandidati republikan, Donald Trump, ka mposhtur rivalen e tij demokrate, Kamala Harris, në një sondazh të cilin sipërmarrësi teknologjik miliarder Elon Musk e drejtoi në X (ish-Twitter).
Zëvendëspresidentja Harris pranoi nominimin zyrtar të partisë së saj më herët në gusht pasi Presidenti Joe Biden njoftoi se do të largohej nga gara. Shumë njerëz e kanë konsideruar sondazhin e Musk “super joshkencor”.
Sipas rezultateve të së mërkurës, nga 5.8 milionë vota, pothuajse tre të katërtat do të votonin për Trump në nëntor, ndërsa më shumë se një e katërta do të zgjidhte Harris.
Në fillim të këtij muaji, kandidati republikan i tha “Reuters” se ai do të konsideronte miliarderin dhe sipërmarrësin e teknologjisë për një rol në administratën e tij. Musk, duke u përgjigjur më vonë në X, shkroi se ai është "i gatshëm të shërbejë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
