Në shenjë dhimbjeje e lutjeje për viktimat e tragjedisë së madhe të tërmetit në kufirin turko-sirian, si edhe në shenjë solidariteti me Turqinë, qeveria shqiptare ka vendosur që kjo e hënë të jetë ditë zie kombëtare.
Kryeministri Edi Rama dhe ministrja e Jashtme Olta Xhaçka kanë shkruar se ulja e flamurit kombëtar në gjysmë shtize dhe ndezja e një qiriri nga çdonjëri sipas dëshirës e mundësisë, do të jenë shenjat kuptimplota të një të hëne të shënjuar prej dhimbjes njerëzore e solidaritetit popullor që i kapërcejnë kufijtë.
34,179 viktima janë konfirmuar deri tani dhe mijëra të tjerë kanë mbetur të lënduar pas tërmetit me magnitutë 7.8 Rihter që goditi Turqinë dhe Sirinë të hënën e 6 shkurtit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
