Marrëveshja e ndërmjetësuar nga Katari mund të lirojë nga Gaza deri në 500 shtetas të huaj

Deri në 500 shtetas të huaj mund të lirohen nga Gaza, sipas burimeve të njohura me negociatat. 

CNN ka folur me tre burime të ndryshme të afërta me këtë çështje, të cilët thonë se midis 450 dhe 500 të huaj pritet të largohen nga Gaza në vendkalimin Rafah me Egjiptin.  Një zyrtar palestinez i kufirit, Hisham Adwan, tha se 450 njerëz po prisnin të kalonin.

Nuk është caktuar asnjë afat kohor se kur do të fillojnë të lëvizin.

Burimet thanë se Katari kishte ndërmjetësuar një marrëveshje midis Izraelit, Hamasit dhe Egjiptit, në koordinim me Shtetet e Bashkuara për lirimin e shtetasve të huaj dhe civilëve të plagosur rëndë në Gaza.

Kjo marrëveshje është e ndarë nga çdo negociatë pengjesh, shtoi burimi. CNN raportoi më parë se 81 palestinezë të plagosur do të mbërrijnë gjithashtu në vendkalimin Rafah të mërkurën në mëngjes, si dhe qindra shtetas të huaj.