Nga Shkodra e cila njihet edhe si bastion i të djathtëve, kryeministri Edi Rama u ka bërë thirrje demokratëve të këtij qarku që të bashkojnë votat me PS në zgjedhjet e 18 qershorit.
Por kreu i qeverisë tha se PD-ja po qëndron larg zgjedhjeve pasi ka frikë nga drejtësia. Sipas tij, kreu i PD-së sot i ka shpëtuar drejtësisë me raport mjekësor. Ai kujtoi kështu procesin gjyqësor ndaj Bashës për Rrugën e Kombit.
“Partitë janë për të shërbyer dhe nuk janë skuadra futbolli. Nëse ajo shërben mirë meriton të shpërblehet, në të kundër të ndëshkohet.
Mendoj se këtu në Shkodër PD-ja të ndëshkohet, për gjithë këtë që ka shkatërruar. PD ka vendosur të arratiset nga fusha e betejës. Ka vendosur të braktisë zgjedhjet dhe t’i lërë pa zgjedhje ata që e votojnë.
E ka bërë këtë sepse nuk do të ndahet nga gjykatësit dhe prokurorët e korruptuar. Lulëzimi e rregullon me gjykatën me një raport mjekësorë.
Nëse Saliu e rregullon me një telefon, një qytetar i zakonshëm nuk e merr të drejtën që i takon.
Si mundët që njerëzit e zakonshëm mund ta pranojnë që PD të luftojë që të dëmtojë sa më shumë Shqipërinë dhe zgjedhjet vetëm e vetëm që të mbajë në punë gjykatësit dhe prokurorët e korruptuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
