Japonia ka gati stadiumin e ri kombëtar, ku do të mbahen një pjesë e lojërave olimpike dhe paraolimpike të vitit 2020. Stadiumi përfundoi të shtunën dhe iu dorëzua Këshillit Sportiv të Japonisë.
I dizajnuar nga studio e arekitektit Kengo Kuma, gjigandi i ndërtimit Taisei Corp dhe firma e projektimit Azusa Sekkei Co., stadiumi u përfundua brenda një afati prej 36 muajsh me një kosto prej 157 miliardë jen (1.4 miliardë dollarë).
Me dorëzimin e plotë, stadiumi thjesht do të quhet Stadium Kombëtar. Me pesë kate mbi nivelin e tokës dhe dy nën të, ky stadium është mishërimi shpirtit sportiv të Japonisë. Ai zëvendëson Stadiumin Kombëtar që u përdor si vendi kryesor për Lojërat Olimpike të Tokios në vitin 1964, i cili nga ana e tij zuri vendin e Stadiumit Meiji Jingu Gaien. Kjo e fundit shërbeu si një pikë nisjeje për studentët që niseshin për në frontet e betejës gjatë Luftës së Dytë Botërore.
Me kapacitet 60 000 vende, me ngjyra në pesë tone të ndryshme të tokës, krijojnë një mozaik që përfaqëson rrezet e diellit që filtrohen përmes një pylli.
Ndërtimi i stadiumit është paraprirë nga konsultime me të gjitha grupet. Si rezultat i rreth 20 seancave dëgjimore me organizata të personave me aftësi të kufizuara, lartësitë e ulëseve në tualete u ngritën me një centimetër dhe shenja në alfabetin Braille u vunë në lartësinë e duhur në ashënsorë.
Kati i parë është në nivelin e tokës, duke lehtësuar qasjen e qetë për përdoruesit e karrigeve me rrota dhe ata me probleme lëvizshmërie. 500 pikat e përcaktuara për përdoruesit e karrigeve me rrota janë vendosur në mënyrë që edhe spektatorët që qëndrojnë përpara tyre të mos u pengojnë pamjen.
Është instaluar një numër i madh pikash shpërndarjeje sinjali Wi-Fi, që lejon rreth 30 000 lidhje të njëkohshme për të përballuar kërkesën e lartë gjatë lojërave.
Përfundimi i stadiumit shënon fundin e një projekti që u konceptua për herë të parë në vitin 2011 - dy vjet para se Tokio të zgjidhej si qyteti mikpritës i Lojërave Olimpike 2020 - dhe lindi nga dëshira për të rindërtuar Stadiumin Kombëtar të vjetër, në mënyrë që të mund të mbajë 80 000 vende për Kupën Botërore të Regbisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
