Policia italiane ka arrestuar ditën e sotme një 29-vjeçar shqiptar, i cili prej kohësh ishte gjëmuar nga forcat e rendit. Shqiptari u ndalua dhe arrestua nga karabinierët e Terma-s, pasi gjatë kontrollit iu gjetën 7 pako të vogla me marijuanën nën sedijen e pasagjerit në makinën e tij “Smart”.
Sipas mediave italiane, shqiptari i cili sipas hetimeve rezultoi të ishte i papunë u ndalua gjatë një pike kontrolli rutinë në një prej rrugëve kryesore të Teramos.
29-vjeçari me inicialet P.B aktualisht ndodhet në paraburgim në pritje të gjykimit. Droga dhe automjeti i tij u sekuestruan në cilësinë e provës materiale, shkruan Teramo.it.
Ndërkohë pas kapjes në flagrancë të shqiptarit, u krye dhe një kontroll në banesën e tij por nuk u gjet gjë. Megjithatë po punohet për zbardhjen e plotë të ngjarjes dhe destinacionit se ku do dërgohej droga.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
