Këngëtari brazilian, Kevin Bueno i njohur si Mc Kevin ka vdekur pasi ra nga dritarja e hotelit të dielën në Rio de Janeiro.
Autoritetet vendase bënë me dije se këngëtari 23-vjeçar ra nga ballkoni i katit të 11-të të një hoteli në Barra da Tijuca ku ishte duke qëndruar.
Për shkak të dëmtimeve të rënda, ai u dërgua në spitalin Miguel Couto, por nuk arriti të mbijetonte.
“Fatkeqësisht Kevin Bueno nuk arriti ti mbijetojë plagëve dhe ndërroi jetë”, shkruhej në deklaratën e autoriteteve vendase.
Ndërkohë vetëm pak javë më parë këngëtari ishte martuar me Deolane Bezerra, ndërsa dhe kjo e fundit konfirmoi lajmin e vdekjes së bashkëshortit të saj.
“Ti do të jesh gjithmonë dashuria e jetës time. Dashuria më e bukur që kam pasur ndonjëherë, njeriu që më donte dhe admironte shumë. Shko me Zotin, djali im! Unë do të dua përgjithmonë”, shkruante Bezerra krahas fotos me këngëtarin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
