Kryeministres së rrëzuar nga pushteti në Bangladesh, Sheikh Hasina, i është revokuar viza amerikane dhe tani po shqyrton opsionet e azilit në Emiratet e Bashkuara Arabe dhe vendet evropiane, sipas raporteve të mediave.
Hasina u largua nga Dhaka mes protestave masive të vazhdueshme në vendin e saj që e detyruan të jepte dorëheqjen për një ligj të diskutueshëm për kuotat e punësimit.
Gjatë javëve të fundit demonstratat studentore në Bangladesh janë përshkallëzuar në përleshje të dhunshme që kanë lënë mbi 400 të vdekur.
Raportimet se SHBA i kanë hequr vizën Hasina u bënë me dije pasi ish-kryeministrja u largua nga Bangladeshi për në Indi.
Uashingtoni dhe Dhaka thuhet se panë një partneritet produktiv gjatë mandatit afatgjatë të Hasinës, duke bashkëpunuar në çështjet e sigurisë dhe refugjatëve. SHBA është gjithashtu importuesi më i madh i produkteve të Bangladeshit, me blerjet që arrijnë në 8.3 miliardë dollarë në 2021.
Megjithatë, gjatë viteve të fundit Uashingtoni dhe qeveritë e tjera perëndimore kanë shprehur shqetësime për klimën politike në Bangladesh. Administrata e presidentit amerikan Joe Biden i etiketoi zgjedhjet e përgjithshme të fundit në Bangladesh si "të padrejta dhe jo të lira" dhe vitin e kaluar vendosi kufizime vizash për zyrtarët dhe politikanët e Bangladeshit.
Ambasada e SHBA në Dhaka ka refuzuar të komentojë mbi statusin aktual të vizave të Hasinës, duke thënë se të dhënat e vizave janë konfidenciale sipas ligjit amerikan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
