Një sasi prej 200 gr material eksploziv u gjet në një dyqan në rrugën “Petro Nini” pas denoncimit të pronares. Njësia antieksploziv mbërriti menjëherë në vendin e ngjarjes dhe pas kontrolleve konstatoi se në dyqan ishte lënë një pako me tritol, i palidhur me mekanizëm shpërthyes.
Burime për Tema TV bënë të ditur se dyqani është në pronësi të shtetases Bruna Aliaj. Mësohet se të njëjtit person i është vënë material eksploziv në makinë para disa muajsh në zonën e 9-katësheve, në qendër të Tiranës.
Tritol në makinë
Në maj të këtij viti, 50-vjeçares B.Aliaj iu vu tritol në makinën tip “Smart”. Ngjarja ndodhi shumë pranë institucionit të Prokurorisë së Përgjithshme.
Mësohet se kjo e fundit e kishte parkuar makinën e saj si çdo herë tjetër poshtë pallatit ku jetonte e vetme, pasi prej kohësh ishte e divorcuar.
Ajo është nënë e një djali i cili jeton në Angli, ndërsa e pyetur në polici ka rrëfyer se nuk ka konflikte me njeri, përveç atyre që ka pasur kohë më parë më bashkëshortin, gjë që i çoi edhe drejt divorcit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
