“BE pret nga Kosova të tjerë hapa për shtensionimin e situatës në Veri”

BE e mirëpret vendimin e Kosovës për marrëveshjen që shtensionon situatën në Veri. Megjithatë Përfaqësuesi i Lartë i BE për Politikë të Jashtme dhe Siguri, Josep Borrell, tha se pret që Prishtina të ndërmarrë hapa të mëtejshëm pozitivë “dhe të vazhdojë përparimi në këtë drejtim”. Ai u shpreh se do të vazhdojnë të punojnë në dialogun e lehtësuar nga BE-ja me palët. “Përshëndes angazhimin e Kosovës për marrëveshjen që arritëm në hapat fillestarë për shtensionim. Presim që Kosova të ndërmarrë hapa të mëtejshëm pozitivë dhe të vazhdojë përparimin në këtë drejtim. Ne do të vazhdojmë të punojmë në dialogun e lehtësuar nga BE-ja me palët me Miroslav Lajçakun”, shkroi Borrell në "Twitter".