“Berisha ka marrë flamurin për të luftuar berishizmin”. Kështu tha mbrëmjen e sotme në emisionin “Arnautistan” në MCN TV anëtari i Këshillit Kombëtar në Partinë Demokratike, Roland Bejko.
Sipas tij tezat që Sali Berisha ka hedhur përmes Foltores janë antidoti i berishizmit.
“Vetë Berisha duket sikur ka marrë flamurin për të luftuar berishizmin në PD dhe kjo është e vërtetë. Këto teza që ai hedh janë antidoti i berishizmit, nëse duhet të shërohesh fut teza të tilla që e çojnë votën tek anëtarësia sepse deri tani ka qenë parti e kryetarit. Statuti kështu e ka, kryetari nuk ka të drejtë të marrë vendime, ai nxjerr urdhra dhe udhëzime dhe merr vendime në raste urgjente. Ai përfaqëson partinë politikisht dhe kujdeset për mbarëvajtjen e partisë”, tha Bejko.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
