Banorëve që janë në rrezikë nga përmbytjet duke i ndihmuar në evakuuimin e tyre i kanë ardhur në ndihmë edhe Forcat e Ndërhyrjes së Shpejtë në Tiranë.
Në një video të shpërndarë nga Policia ata janë në aksion natën dhe ditën, e madje kanë përdorur edhe gomone për t’ju ardhur në ndihmë banorëve që kanë rrezikuar më shumë.
FNSH ka qenë në gatishmëri të banorëve të përmbytur kryesisht në zonën e Dervenit në Fushë-Krujë.
Nga efektivët e FNSH-së janë evakuuar disa banorë dhe automjete. “Hajde hipni”, dëgjohen ata teksa shoqërojnë banorët.
“Edhe pak”, thotë një tjetër që mban prej krahu një të moshuar dhe e ndihmon të hipë në furgonin e policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
