Ish-futbollisti, Ermal Tahiri, komentoi në emisionin “Skaneri i Botërorit” në MCN TV, fitoren e Argjentinës ndaj Kroacisë.
Tahiri u shpreh se Messi e ka sjellë Argjentinën deri këtu, ndërsa në lidhje me ndeshjen, tha se Kroacia, nuk ishte aspak e rrezikshme në sulm.
Këto ndeshjet e fundit, Argjentina me ndryshimet që ka bërë, është shumë e fortë dhe e shpejtë. Tagliafico ishte një nga më të mirët në fushë sot. Një ekip shumë i fortë. Trajneri ka ndjekur një strategji, ku në fillim të ndeshjes, i lë topin kundërshtarit. U bënë dy gabime nga Kroacia dhe u shënuan golat.
Pas golave, veproi njësoj si me Australinë dhe Holandën. Kroacia nuk ishte fare e rrezikshme në sulm. Në 30 minutat e para, nuk kishte gjuajtje në portë. Argjentina e meriton finalen. Messi e ka sjellë deri këtu skuadrën. Duket sikur ecën në fushë, por kur duhet ta marrë topin, del aty gjithmonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
