Kur ishte vetëm 15 vjeç, Kazumi Muraki krijoi një pajisje të vogël portative për të kapur karbonin nga atmosfera. Shtatë vjet më vonë, kimisti japonez po studion se si ta shndërrojë këtë karbon të kapur në karburant.
Si djalë i ri, Muraki nuk ishte kurrë shumë i interesuar për shkencën, thotë ai për CNN, deri kur gjyshi i tij i dha romanin për fëmijë "Çelësi sekret i Xhorxhit në Univers", nga i ndjeri Stephen Hawking dhe vajza e tij Lucy.
Muraki thotë se personazhi kryesor shkon në një kërkim për të gjetur një planet të përshtatshëm për jetën njerëzore dhe vendoset në Mars. I mahnitur nga fotot e planetit të kuq dhe perëndimit të tij blu, Muraki vetëm 10-vjeçar në atë kohë e bëri misionin e tij të jetës për të shkuar në Mars.
Që atëherë, thotë ai, filloi të studionte se çfarë do të duhej për të jetuar atje.
"Kam zbuluar se atmosfera e Marsit përbëhet nga 95% dioksid karboni", i cili është vdekjeprurës për njerëzit. Ai shton se “nëse duam të jetojmë në Mars, duhet të heqim dioksidin e karbonit marsian”.
Ai kuptoi se kërkimi i tij për të hequr karbonin nga atmosfera e Marsit mund të ishte gjithashtu i dobishëm këtu në Tokë.
“Dioksidi i karbonit është shkaku kryesor i krizës klimatike”, thotë ai, duke shtuar se heqja e tij nga ajri është një mënyrë për ta frenuar atë.
Në vitin 2015, Muraki krijoi Hiyassy, një pajisje për kapjen e karbonit me AI me madhësinë e bagazhit të dorës. Është menduar për përdorim në shtëpi dhe zyrë, në mënyrë që kushdo të mund të ndihmojë në ndalimin e ngrohjes globale nga kudo, thotë ai. Hiyassy funksionon duke tërhequr ajrin dhe duke e filtruar atë përmes një solucioni alkaline përpara se ta lëshojë përsëri jashtë.
Tani, ai është në fazën tjetër të kërkimit: riciklimin e karbonit. Kompania e tij me bazë në Tokio, Carbon Recovering Research Agency, po punon për të bërë një lëndë djegëse alternative nga karboni i kapur.
"Tani po krijojmë një karburant dizel nga dioksidi i karbonit," thotë ai, duke shtuar se ai mund të jetë i disponueshëm në vitin e ardhshëm.
Ndërkohë, ai ende ëndërron për planetin e kuq: “Dua të jem njeriu i parë (që do) të zbresë në Mars”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
