Në Itali vazhdon vera e thatë edhe në drejtim të ujit të gazuar. Ndërsa në supermarkete shishet e ujit të gazuar po zhduken nga raftet, në to gjenden ujërat natyrale dhe ato të gazuara nga bimë që e prodhojnë vetë dioksidin e karbonit.
Sipas vlerësimeve të raportuara nga la Repubblica, mungesa në shpërndarjen në shkallë të gjerë është me një mijë miliardë litra.
“Ne po përballemi me një periudhë kritike dhe nuk e dimë se kur do të përfundojë”, tha Samuele Pontisso, menaxher i grupit të ujit Goccia di Carnia.
Në rrezik janë edhe pijet e gazuara. Dhe së shpejti në krizë mund të hyjë sektori i birrës industriale, ai saldimit dhe implanteve mjekësore.
CO2 mungon, por pse? Mediat italiane shpjegojnë se procesi i prodhimit të gazit që formon flluskat është jashtëzakonisht intensiv dhe kërkon shumë energji. Dhe kjo gjë po ndjehet nga periudha e shtrenjtimit të karburanteve. Fabrika Yara International në Ferrara e ka ndjerë gjithashtu këtë problem, pasi shërbente si furnizuese në 30% të kompanive italiane me dioksid karboni.
Tregu është në trazira. Ne përpiqemi të marrim CO2 në çdo mënyrë dhe me çdo çmim. Rreziku është që e gjithë kjo të ketë pasoja në çmimet e shisheve me pakicë.
Nuk janë vetëm prodhuesit e ujit që vuajnë, por edhe ata të pijeve joalkoolike të gazuara. Soda e portokallit, cola, chinotto dhe një sërë pijesh të tjera nevojë për dioksid karboni dhe për rrjedhojë rrezikojnë gjithashtu që të zhduken. Zgjidhja e vetme, për momentin, duket të jetë vetë-prodhimi.
Siç ndodh në fabrikën e Coca-Cola në Nogara. “Ne e prodhojmë vetë dioksidin e karbonit që na nevojitet”, shpjegon Giangiacomo Pierini, drejtor i Coca-Cola Hbc Italia.
Është fabrika jonë më e madhe në Europë dhe kjo na mundëson ta përjetojmë këtë vështirësi të mëtejshme për sektorin tonë pa probleme.
Megjithatë, uji i gazuar dhe pijet e gazuara janë vetëm maja e ajsbergut të një krize që po prek shumë sektorë të tjerë. Sistemet mjekësore, saldatorët, ftohjet në shkallë të gjerë dhe prodhimi industrial i birrës kanë nevojë për dioksid karboni, i cili, për momentin, nuk gjendet askund.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
