"Kosovës i duhet siguria dhe stabiliteti", ka thënë kryetari i Asamblesë Parlamentare të NATO-s, Paolo Ali. Sipas tij NATO dhe KFOR janë pjesë e këtij stabiliteti, pasi ata mbrojnë pjesëtarët e komunitetit shqiptar dhe të komunitetit serb.
"KFOR-i do të qëndrojë në Kosovë gjithnjë derisa të ketë nevojë, ndoshta disa vite, ndoshta edhe më gjatë”, ka thënë Ali.
Ali ka theksuar se respektohet vendimi i Serbisë që të mos jetë anëtare e NATO-s.
“Nuk është e domosdoshme që Serbia në këtë moment t’i bashkohet NATO-s. Ndoshta kjo do të ndodhë në të ardhmen, porse kjo varet nga qytetarët e Serbisë e jo nga NATO-ja i cili gjithmonë pranon kërkesat për anëtarësim siç ndodhi me vendet tjera të rajonit”, ka thënë për Radio Evropa e Lirë Paolo Ali.
Lidhur me bombardimet e NATO-s, Ali ka thënë se ato kanë ndodhur para 20 vjetësh dhe gjatë regjimit të Sllobodan Millosheviçit dhe se nuk duhet harruar se çfarë ka bërë ish-presidenti serb.
“Ajo që ka ndodhur në vitin 1999 është e ngulitur në kujtesën e Serbisë. Sigurisht do të ishin ndryshe gjërat po të sigurohej rezoluta e Këshillit të Sigurimit të OKB-së. Por nuk guxojmë të harrojmë çfarë ka ndodhur gjatë regjimit të Millosheviqit. Sigurisht se ka pasur gabime por mendoj se situata këtu ka qenë shumë dramatike”, ka thënë Paolo Ali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
