Analisti Andi Bushati, i ftuar në emisionin "Të Paekspozuarit" në MCN TV, pas përfundimit të protestës së sotme, e quajti atë me efekt vetëm për të mbajtur të karikuar militantët e PD-së.
Bushati, tha se protesta ishte e pakuptimtë, që e bëri qeverinë të’ heqë gishtat nga veshët’.
Nuk besoj se protestat e përmirësojnë imazhin te qytetarët. Nuk bëjnë ndonjë dëm. Ndoshta ka efekt për të mbajtur të karikuar militantët.
Ajo që mua më shqetëson është se në ndryshim nga protestat e tjera, kjo ishte më pakuptim. Kishte kuptim të bëje protestë kur e gjithë Shqipëria e dinte që këta ishin PD dhe regjimi u kishte rrëmbyer simbolet. Ky miting nuk e kishte më këtë ulërimë.
Për çfarë do të protestosh?
Mund të protestosh ndaj një qeverie që ta detyrosh të dëgjojë. A hyn kjo te ato protesta aq të fuqishme, sa qeveria të heqë gishtat nga veshët? Them se jo. Pra e kam të vështirë të gjej arsyen pse duhej bërë.
Në këtë kuptim, i gjej në vështirësi një motiv dhe një benefit që mund t’i marrë opozitë kësaj gjëje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
