Që prej të shtunës ish-ministri i Shëndetësisë Ilir Beqja është shtruar me urgjencë në spitalin e QSUT-së, mëson MCN TV.
Beqja rezulton me temperaturë të lartë dhe një infeksion të rëndë në lëkurë.
Mësohet se gjendja e tij ende nuk është e stabilizuar.
Në një raportim për Mcn Live gazetari Arsen Rusta bën me dije:
"Prej 72 orësh është në gjendje kritike ish-ministri i Shëndetësisë z.Ilir Beqja. Burime bëjnë me dije se teksa ndodhej në paraburgimin e Durrësit, ai është shtruar me urgjencë në QSUT për shkak të një temperature të lartë dhe një infeksioni në lëkurë. Gjendja e tij paraqitet e pastabilizuar dhe po ndiqet nga mjekët specialistë. Z.Beqja ndodhet në urgjencën e QSUT, në pavionin aty, dhe po ndiqet në mënyrë intensive nga mjekët. Pritet që të ndërhyjë edhe SPAK, që e ka një subjekt Beqjan. Momentalisht s'kemi një diagnozë apo një kartelë të z.Beqajt".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
