Viti 2025 shënoi rekord ankimimesh në gjykatë të vendimeve të Komisionit të Prokurimeve Publike. Ankesat lidhen me kriteret e paqarta dhe konfuze, mungesën e transparencës dhe paqartësitë me fonndin limit, çfarë kanë ndikuar në përgatitjen e ofertave nga ana e operatorëve ekonomikë.
Juristi Romeo Kara tha në studion e MCN Live se pjesa më e madhe e anëtarëve të KPP i ka hyrë me vetëdije kësaj pune duke marrë parasysh që kostoja është e vogël, ndërsa fitimet marramendëse.
Sipas juristit është krijuar struktura me operatorë të caktuar dhe familjarët e atyre që firmosin tendera.
Këto dënime merren si kosto minimale për të bërë pasuritë marramendëse që kanë bërë. Janë formal, pa garë. Mënyra si vendoset fondi limit, si vendosen specifikimet teknike, si bëhet gara deri në presion, si fshihen ankesat tek KPP. Është krijuar strukturë e tillë, ku operatorë të caktuar, ku mbrapa dalin kriminelët që kanë në dorë të gjithë buxhetin. Operatorë të caktuar operojnë në fushë të caktuar. Mbrapa janë dhe familjarët e këtyre që firmosin tenderat. Një pjesë e komisioneve firmosin nga frika e rrogës, pjesa tjetër i ka hyrë me vetëdije duke e ditur që kostoja do jetë minimale.
Ne duhet të ngremë shqetësimin deri tek vija e kuqe për paratë publike që investohen përmes prokurimit publik. Kemi dështuar të prokurojmë si duhet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
