Të paktën 4 persona kanë vdekur në juglindje të Shteteve të Bashkuara për shkak të stuhive, erërave të forta dhe tornadove që shkatërruan rajonin, si dhe pjesën më të madhe të Shteteve të Bashkuara.
Imazhet që qarkullojnë në internet nga Panama City, në Florida, tregojnë shtëpi me çati të shkatërruara, ndërtesa të rrafshuara dhe rrugë të pakalueshme pasi një tornado goditi zonën.
Ndërsa në disa zona në veri të Alabamës stuhitë sollën breshër në përmasat e topave të bejzbollit.
Në SHBA, mbi një mijë fluturime kombëtare dhe ndërkombëtare u anuluan për shkak të motit të keq nga veri-perëndimi në veri-lindje.
Për më tepër, më shumë se 500,000 abonentë nga Florida në Vermont mbetën pa energji elektrike.
Shtetet më të goditura ishin Pensilvania dhe Nju Jorku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
