Aktivistja politike bjelloruse Maria Kolesnikova është dënuar me 11 vjet burg, kanë thënë figurat kryesore të lëvizjes opozitare të vendit.
39-vjeçarja Kolesnikova u gjykua në Bjellorusi së bashku me avokatin Maksim Znak, i cili u dënua me 10 vjet burg.
Kreu i opozitës Bjelloruse, Sviatlana Tsikhanouskaya postoi dënimet e tyre në mediat sociale dhe kërkoi "lirimin e tyre të menjëhershëm".
Këshilltari i Tsikhanouskaya, Franak Viacorka, shtoi se "ata janë të pafajshëm dhe nuk do të qëndrojnë kaq gjatë në burg".
"Ky gjyq ishte një farsë. Regjimi u bë një farsë," tha Viacorka në Tëitter.
Kolesnikova u bë figurë kryesore e opozitës gjatë zgjedhjeve të diskutueshme të gushtit të vitit të kaluar, të cilat rezultuan në rizgjedhjen e udhëheqësit të vjetër Alexander Lukashenko.
Ajo më parë ka punuar me fushatën e Viktor Babariko, i cili u ndalua të regjistrohej pasi u arrestua me akuzën e ryshfetit.
Kolesnikova u përball me akuzat për dëmtimin e sigurisë kombëtare kur u arrestua në shtator 2020-ës pasi i rezistoi përpjekjes së autoriteteve për ta detyruar atë në internim.
Kolesnikova grisi pasaportën e saj në kufi me Ukrainën për të shmangur dëbimin nga vendi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
