Mbretëresha e Danimarkës ka kërkuar falje pasi ka hequr titujt mbretërorë të katër nipërve të saj, por nuk e ka anuluar vendimin. Mbretëresha Margrethe II tha se ajo dëshironte që monarkia të "mbahej me kohën", se vendimi i saj kishte marrë një kohë të gjatë.
Por ajo e “nënvlerësoi” reagimin e familjes së saj “dhe për këtë më vjen keq”. Vendimi fillestar u shpall javën e kaluar, për të filluar vitin e ardhshëm.
“Titujt e princit dhe princeshës që ata kanë mbajtur deri më tani do të ndërpriten”, thuhet në deklaratën fillestare. "Kështu pasardhësit e princit Joachim do të duhet të trajtohen si ekselenca në të ardhmen."
Princi Joachim, djali i vogël i mbretëreshës Margrethe tha se ishte i mërzitur nga ndryshimi.
“Nuk është kurrë kënaqësi të shohësh fëmijët e tu të keqtrajtohen kështu”, tha ai për Ekstra Bladet. “Ata e gjejnë veten në një situatë që nuk e kuptojnë”.
Gruaja e tij, Princesha Marie, tha se fëmija i saj më i vogël ishte ngacmuar në shkollë. Në një intervistë, çifti tha gjithashtu se Margrethe nuk kishte folur me ta që kur u njoftuan ndryshimet. Një nip, Princi Nikolai, tha se familja e tij ishte "tronditur" nga vendimi.
Nga fillimi i vitit 2023, katër fëmijët e Joachimit, Princi Nikolai, 23 vjeç, Princi Felix, 20, Princi Henrik, 13 dhe Princesha Athena, 10 vjeç, do të njihen me titujt Konti dhe Kontesha e Monpezatit në vend të Princit dhe Princeshës. Pallati tha se ky ishte një "zgjerim natyror" i dëshirës së monarkut danez për të pakësuar monarkinë.
Por pas asaj që Margrethe i përshkroi si “reagime të forta” ndaj vendimit të saj, ajo kërkoi falje në një deklaratë të re për nënvlerësimin e reagimit.
"Askush nuk duhet të ketë dyshime se fëmijët, nuset dhe nipërit e mi janë gëzimi dhe krenaria ime e madhe. Tani shpresoj që ne si familje të gjejmë qetësinë për të gjetur rrugën përmes kësaj situate", tha ajo.
Djali më i madh i mbretëreshës Margrethe II, Princi i Kurorës Frederik, është i pari në radhën e fronit. Katër fëmijët e tij do të ruajnë titujt e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
