Ndërsa bënte notin e tij të rregullt në mëngjes në detin Mesdhe, një roje shpëtimi izraelit i quajtur David Shalom vuri re diçka të pazakontë në fund të detit diku afër bregut.
Pasi u zhyt për të parë më nga afër, ai u përball me një disk të lëmuar mermeri.
Duke menduar se disku i mermerit ishte një lloj artifakti i humbur prej kohësh, pasi në kohët e lashta kishte shumë anije të mbytura në zonë, Shalom ia dorëzoi diskun përfaqësuesve të Autoritetit të Antikiteteve të Izraelit.
Të surprizuar që morën një objekt kaq të pazakontë, ekspertët arritën që të identifikonin diskun e mermerit si një hajmali magjike që ishte projektuar për t’u varur në anijet detare për t’i mbrojtur nga shpirtrat e këqij, magjitë e shtrigave ose fati i keq.
Në një njoftim në faqen e Facebook të Autoritetit të Antikiteteve të Izraelit, ekspertët raportuan se disku i mermerit është rreth 2500 vjet i vjetër, daton veçanërisht në shekullin e katërt ose të pestë para Krishtit.
David Shalom e gjeti diskun magjik në det të hapur nga zona arkeologjike Yavne-Yam pranë plazhit Palmachim, 24 kilometra në jug të Tel Avivit.
Yavne-Yam ishte një port antik i dhe ka prodhuar një pasuri të madhe artefaktesh gjatë eksplorimeve në tokë dhe nën ujë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
