Ambasadorja amerikane, Nikki Haley, ka dhënë dorëheqjen, një vendim që u pranua nga kreu i Shtëpisë së Bardhë.
Nikki Haley do të largohet në fund të vitit dhe nuk do të kandidojë për Shtëpinë e Bardhë në vitin 2020, por do të bëjë fushatë për Donald Trump.
Presidenti amerikan ka njoftuar se do të marrë në konsideratë ish-këshilltaren e sigurimit kombëtar, Dina Powell, për të zëvendësuar Nikki Haley-n si ambasadore e SHBA-ve në OKB.
Haley, e cila do të ndihmojë Trump-in për zgjedhjen e pasardhësit të tij, thuhet se e ka diskutuar dorëheqjen e saj me Trump javën e kaluar gjatë një vizite në Shtëpinë e Bardhë, duke lënë të habitur zyrtarët e lartë të politikës së jashtme amerikane. Ish-guvernatore e Karolinës së Jugut, Haley u konfirmua lehtësisht në detyrë katër ditë pas zgjedhjes së Trumpit në Shtëpinë e Bardhë. Ajo u konsiderua si një mbështetëse e madhe e presidentit, por pavarësisht kësaj divergjencat mes të dyve nuk kanë munguar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
