Kalaja zbulon detaje nga protesta e thirrur nga sindikatat: Nuk duam pension elektoral (VIDEO)

Ditën e mërkurë, Bashkimi i Sindikatave të Pavarura të Shqipërisë do të zhvillojë një protestë për rreth 4 orë ku do të nisë para Parlamentit për të vijuar më pas para Kryeministrisë.

Gëzim Kalaja, president i Bashkimit të Sindikatave tha në studion e MCN Informacion se ata kanë 3 kërkesa mes të cilave, pensioni që nuk duhet të jetë më i vogël për minimumin jetik, statusin e minatorit dhe 1% për 1136 minatorë.

Pavarësisht vendimit do të bëjë protestën më 5 dhjetor. Do të grupohet në orën 09:30 para Parlamentit pastaj do të marshojmë dhe do të fillojmë rezistencën tonë. Protesta jonë do jetë 4 orë për pensionin që nuk duhet të jetë më i vogël se paga minimale.

Do të ketë protesta të herëpashershme. Nuk duam pension elektoral, e duam sepse e miratojmë. Duam statusin e minatorit dhe 1% për 1136 minatorë. Minatorët nuk e kërkojnë për qejf po se kanë kryer një nga detyrat më të vështira në Shqipëri.

Qeveria e ka detyrim kushtetues, por para se gjithash e ka detyrim moral.

Sipas Kalasë, dhënia e një bonusi nuk është rritje e pensioneve. Më tej Kalaja tha se nëse qeveria nuk reagon, atëherë do të ketë reagim nga Bashkimi i Sindikatave të Pavarura të Shqipërisë.

Nuk mund të thuash se po ngre pensionet se po jep bonus. Bonusi është shpërblim, është vetëm për një natë. Po 12 muajt e vitit si do jetojnë, uji, ilaçet.

Në datën 5 do të protestojmë në Tiranë. Do të vijnë nga të gjitha minierat e Shqipërisë përfaqësues. Nuk do të jenë vetëm minatorët, por dhe qytetarë të profesioneve të ndryshme, të arsimit, të ndërtimit, të gjithë profesioneve që bëjnë pjesë në Bashkimin e Sindikatave të Pavarura të Shqipërisë.

Vendimi për të vazhduar më tej protestat do të jetë në varësi se si do të shkojë protesta e datës 5. Do ta ndjekim hap pas hapi. Nëse qeveria nuk reagon do të reagojmë ne deri kur të reagojë dhe të ulet.

Kontratat kolektive është Kushtetutë për punëtorin.