Një valë e fortë rastesh të reja me variantin Omicron godet Shtetet e Bashkuara pas festave të fundvitit.
Vetëm të hënën, janë regjistruar mbi një milion raste infektimi, dyfishi në krahasim me katër ditë më parë dhe katërfish krahasuar me pak më shumë se një javë.
Të dhënat dramatike janë nga Universiteti Johns Hopkins, sipas raportimit të agjencisë Bloomberg, e cila shpjegon se si numrat mund të nënvlerësohen, duke mos marrë parasysh shumë amerikanë që tani bëjnë vetë testet DIY anti-Covid në shtëpi.
Që nga fillimi i pandemisë në SHBA, ka pasur më shumë se 56 milionë infeksione dhe afro 830 000 viktima. Në Florida, një nga shtetet me më pak kufizime në SHBA, infeksionet janë rritur me 948% në dy javë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
