Presionet e ndërkombëtarëve dhe as propozimet e aleatëve në qeverisje duket se nuk kanë ndikim te kryeministri Ramush Haradinaj për heqjen e taksës 100 për qind ndaj mallrave nga Serbia dhe Bosnjë e Hercegovina.
Javën që lamë pas, kryeparlamentari Kadri Veseli u ka dorëzuar liderëve të koalicionit qeverisës propozimin e tij me shkrim për pezullimin e taksës për 120 ditë, në mënyrë që të ruhen interesat e Kosovës dhe partneriteti me Shtetet e Bashkuara të Amerikës.
Por kryeministri Ramush Haradinaj vazhdon të jetë i palëkundur për mosheqje të taksës.
Siç raporton “Zëri”, i cili i referohet shefit i kabinetit “Haradinaj”, nuk ka asnjë vendim në lidhje me heqjen e taksës.
Në një prononcim për gazetën, Avni Arifi ka theksuar se nuk ka asnjë indikacion që dërgon në heqje të taksës. “Ne e kemi një qëndrim të qeverisë, unë si shef i stafit të kryeministrit nuk kam asnjë indikacion ose bazë tjetër që tregon se ka ndonjë ndryshim në qeveri sa i përket taksës”, ka thënë ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
