Emisioni “Fact Check” ka siguruar ekskluzivisht shkresën sekrete të Policisë së Shtetit e cila ngre alarmin se vetëm për 7 të arrestuar ata angazhojnë përgjatë 24 orëve 85 efektiv policie të cilët kryejnë shërbim roje.
Në këtë shkresë thuhet se policia po përballet me vështirësi të mëdha në ekzekutimin e masës së sigurimit personal “arrest në shtëpi” me mbikëqyrje policore të pandërprerë. Xhevahir Zhabina tha në emisionin “Fact Check” se Policinë nuk e ka penguar angazhimi i 60-70 policëve për ruajtjen e personave që ta bëjë punën e saj.
“Kjo situatë ka vite që është krijuar, pasi mbikëqyrja elektronike që nga viti 2016 s’ka funksionuar. Kjo mënyrë survejimi i personave nën hetim nuk funksionon dhe duhet të ishin marrë masa. Është në të drejtën e tij që z.Proda të ngrejë këtë shqetësim. Është një situatë e trashëguar dhe s’di të them nëse zgjidhet me letrën e z.Proda. Do isha për një polic në komunitet. Problemi është a e ka penguar kjo që Policia të bëjë punën e saj? Nëse krijimin e organizuar, korrupsionin në Polici, e kanë penguar këto 60-70 policë që janë aty për të ruajtur këta persona”.
Gjyqet mes shtetit dhe tre kompanive private për tenderin e byzylykut elektronik, rezultojnë shkaku i mos përdorimit të kësaj teknologjie. Lidhur me këtë Zhabina tha:
“Duhet të ndërhynin institucionet. Shpresoj të kemi sistem të ri që do kemi këtë lloj survejimi. Të gjitha rrotullohen rreth parave, në këtë rast paratë janë tenderi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
