Kryeministri Edi Rama i shoqëruar edhe nga ministrja e kulturës, Elva Margariti, në ditën e parë të Muajit të Ramazanit ka qëndruar sot në Xhaminë e Et’hemBeut, për të parë nga afër edhe punimet që po kryhen në këtë xhami
Rama në praninë e kreut të Komunitetit Mysliman Bujar Spahiu ka theksuar se ky muaj këtë vit ndryshe nga një vit më pare, vjen me masa lehtësuese.
Ndër të tjera në fjalën e tij ai ka theksuar se siç thonë besimtarët myslimanë pas vuajtjes vjen lehtësimi dhe ne po dalim nga tuneli i pandemisë tashmë.
“Deri para një muaj ishte e paimagjinueshme që ju do të futeshin të muajin më të shenjtë të vitit me lehtësimin e masave anti Covid. Me lehtësimin e masave kufizuese ju do të mund që të kryeni të gjithë ritualet. Me daljen nga tuneli i pandemisë dhe pas hapjes së turizmit, siç thoni ju pas vuajtjes së madhe vjen lehtësimi. Uroj të gjithë anëtarët e Komunitetit dhe të gjithë besimtarët për këtë muaj të shenjët”, ka thënë Rama.
Rama poashtu përmes një postimi në rrjetin social Facebook e ka cilësuar Xhaminë si xhevahir i Trashëgimisë sonë Kulturore
“Ky xhevahir i Trashëgimisë sonë Kulturore është kthyer në krejt shkëlqimin e vet, pas një pune të gjatë milimetrike, që ka nxjerrë gjithçka fshihej nën shtresat e kohërave dhe sot është vendi ideal, për të uruar Muajin e Madh të Ramazanit me besimin e madh se ky do të jetë edhe një muaj i afrimit vendimtar me dritën në fundin e tunelit rraskapitës të pandemisë”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
