Opozita e armatosur e Sirisë thotë se luftëtarët e saj kanë pushtuar kryeqytetin, Damaskun.
Luftëtarët rebelëpretendojnë se kanë rrëzuar Bashar al-Assad, i cili ka drejtuar vendin për gati 25 vjet.Raportohet se Assad është larguar nga Damasku me avion për në një destinacion të panjohur.
Kryeministri sirian, Mohammed Ghazi al-Jalali, ka thënë se nuk e di se ku ndodhet Assad për momentin.
Po ashtu ai është shprehur i gatshëm të bashkëpunojë me çdo lidership të zgjedhur nga qytetarët e vendit për të siguruar një transferim më të qetë të pushtetit.
Komandanti i Hayat Tahrir al-Sham, Abu Mohammed al-Julani bën me dije thotë se të gjitha institucionet shtetërore do të mbeten nën mbikëqyrjen e kryeministrit të al-Asad derisa të dorëzohen zyrtarisht.
Pamjet e paverifikuara të shpërndara në mediat sociale tregojnë se mijëra të burgosur janë liruar nga burgu famëkeq Saydnaya, ku kundërshtarët e Asadit u torturuan dhe u ekzekutuan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
