Pamela Anderson po përjeton një vit të mbushur me surpriza dhe ndryshime, duke shënuar një kapitull të ri në karrierën dhe jetën e saj personale. Aktorja 58-vjeçare u shpreh për PEOPLE: “Edhe duke qëndruar këtu, po mendoj: a ka ndodhur vërtet kjo, apo e kam ëndërruar gjithë këtë?”
Anderson, e cila tashmë ka ndryshuar ngjyrën e flokëve për rolin e saj të radhës në komedinë Love Is Not the Answer, e quan këtë transformim “një formë tjetër lirie”. Ky vit ka qenë i pasur me arritje të reja, nga performanca e saj e nuancuar në "The Last Showgirl" dhe suksesi në kinema me "The Naked Gun", deri te romanca e shkurtër me bashkëaktorin Liam Neeson.
“Po bëj zgjedhjet e mia në karrierë dhe në pamjen time. Jam në kontroll të jetës sime,” thotë ajo, nënvizon duke treguar se ndryshimet janë pjesë e një udhëtimi për vetë-zbulim dhe besim në vetvete.
Përveç sukseseve në film, Anderson ka treguar edhe angazhimin e saj në modë dhe bukuri, duke u shfaqur pa make-up në "Paris Fashion Week" dhe duke themeluar "Sonsie Skincare", një linjë produkte për kujdesin e lëkurës.
Ajo ka filluar gjithashtu një kompani produksioni me djemtë e saj dhe po rikthen serialin e vitit 1996 Barb Wire. Ndërsa flet për projektet e ardhshme, përfshirë filmin "Rosebush Pruning" me Elle Fanning dhe Callum Turner, Anderson thotë: “Le të shpresojmë se kjo është vetëm fillimi. Jam gati për aksion dhe kam një dashuri të re për industrinë dhe jetën.”
Ndërsa e përshkruan vitin e saj si “të mbushur me surpriza të lumtura,” Anderson thekson rëndësinë e familjes dhe rritjes së djemve të saj, duke treguar se prioriteti më i madh mbetet familja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
