Kultura e shahut në Shqipëri/ Kampioni Pasku flet për talentet e reja: Disiplinë që i bën fëmijët më të përqendruar  

Kultura e shahit në Shqipëri po shtohet në masë të madhe.

I ftuar në studion e programit të mëngjesit “Zgjohu me MCN”, kampioni i shahit, Landi Pasku, se bashku me të rinjtë, Semion Sherollari, shahist i grupmoshës 16 vjec, dhe Fiona Hoxha, nënkampione e Shqipërisë për grupmoshët 10 vjeç, foli për rëndësinë e lojës së shahut në Shqipëri.  

Ai tha se kjo lojë i bën fëmijët më të duruar, më të përqendruar dhe më të logjikshëm, për vetë disiplinën që ka.

Kjo lojë është shumë e rëndësishme që ta kuptosh lojën e kundërshtarit, të dish planin tënd se kur do ta sulmosh atë.

Interesimi për shahun po shtohet dita -ditës në vend. Prindërit i sjellin fëmijët që ti mbajnë larg telefonave, dhe kjo i ndihmon ata në disiplinë.

Është vetë lojë që të ushtron disiplinën, të bën të respektosh, i bën fëmijë më të duruar, më të kalkuluar, më të logjikshëm. Ndikon shumë për mësime, i bën më të përqendruar ata.

Mosha më e vogël që kam pasur në kurs është 4 vjeç, por mosha ideale që fëmijët mund të vijnë është 5 vjeç e gjysmë. Fëmijët që vijën të mësojnë shah, janë brezi më i mirë që nesër do të përfaqësojnë Shqipërinë në mënyrë më dinjitoze.