Dy pasagjerë të dyshuar si bartës të virusit vdekjeprurës dhe shumë ngjitës Marburg ndezën alarmin në stacionin kryesor të trenit të Hamburgut të mërkurën pasdite.
Ekipet e emergjencës me pajisje mbrojtëse hipën në një tren nga Frankfurt pasi një student 26-vjeçar i mjekësisë dhe e dashura e tij shfaqën simptoma të ngjashme me virusin në tren.
Pasagjerët u evakuuan dhe policia mbylli dy shina në stacion për disa orë përpara se t’i rihapte.
Sipas Departamentit të Zjarrfikësve të Hamburgut, një nga dy të dyshuarit e Marburgut patën të vjella të lehta.
Tabloidi Bild raportoi se studenti kishte mbërritur me aeroplan direkt nga Ruanda, ku kishte qenë në kontakt me një pacient që më vonë u diagnostikua si i infektuar me Marburg.
Ruanda, një vend pa dalje në det në Afrikën Lindore, po përjeton një shpërthim të virusit vdekjeprurës. Sipas ministrisë së shëndetësisë të vendit, tetë persona kanë vdekur nga virusi që nga e diela e kaluar, ndërsa janë konfirmuar 26 raste .
Virusi Marburg shkakton ethe me simptoma duke përfshirë konvulsione, të vjella me gjak dhe diarre, dhe ka një shkallë vdekshmërie deri në 88 për qind, sipas Organizatës Botërore të Shëndetësisë.
Njerëzit infektohen përmes kontaktit me lëngjet trupore të të infektuarve.
Studenti dhe e dashura e tij u dërguan në Spitalin Universitar Eppendorf, i cili është i specializuar për sëmundjet tropikale, ndërsa bagazhet e tyre u sekuestruan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
