Me ndryshimin e ligjit për punësimin e të huajve në vendin tonë, janë shtuar dhe kërkesat për leje pune nga të huajt.
Në drejtorinë rajonale të punësimit aktualisht kanë aplikuar një numër i madh shtetasish nga Nepali e Bangladeshi ndërsa janë pajisur me leje pune rreth 115 të tillë.
Gjatë një interviste për MCN TV, specialistja për migracionin dhe marrëdhëniet e punës pranë kësaj drejtorie, Gjinovefa Xhori detajon lejet për punëmarrës dhe për të vetëpunësuar.
Sektori i turizmit është prioritet në kërkesat e të huajve për leje pune, por nuk mungojnë aplikimet edhe për sektorin e fasonerisë apo dhe ndërtimit.
Kështu 115 leje për punëmarrës dhe 97 leje të rinovurara për të vetëpunësuar, është aktualisht situata pranë zyrës së migracionit dhe marrëdhëniet e punës, në agjencinë kombëtare të punësimit dhe aftësive të Vlorës, çka tregon edhe njëherë mungesën shqiptare të stafeve në sektorë të ndryshëm në qytetin bregdetar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
