Këngëtarja Ledia Halili vjen me këngën e re, të frymëzuar në ambientet e MCN

Këngëtarja Ledia Halili flet për këngën e saj të re “Mirëmëngjesi moj Tironë”, kënga që u inspirua në studiot e MCN.

Në emisionin “Zgjohu me MCN” ajo tha se vitin e kaluar në një intervistë për emisionin në ambientet MCN ishte në pritje, dhe një zonjë tironse i tha “Mirëmëngjes” duke i ofruar kafen dhe aty nisi biseda.

Duke ndenjur me veten time, sa herë që vij këtu si nuk i shkruaj një këngë Tironës, me kafen në sfond. E shkrova këngën direkt në telefon. Gradualisht u bë dhe vija melodike dhe u realizua kënga. 

E kam marrë me pozitivitet rikthimin e muzikës, nuk e kam kthyer në biznes, por pëlqej vazhdimin e traditës. Që dhe ne Halilët të vazhdojmë traditën dhe është mirë që çdo familje tiranse të mbajë një kurorë të vetën për muzikën. 

Jam marrë që e vogël me muzikë dhe fat i madh. Nuk jam aktive as me koncerte dhe as me dasma, është zgjedhje e momentit se i kam fëmijët e vegjël. Për të qenë afër me publikun kam zgjedhur qe të vijë me videoklipe. Ndoshta në një kohë më tutje do i rikthehem. Këngët janë pritur shumë mirë. Kam sërish një këngë të re, sërish krijimtari e imja këngë-muzikë. 

Është një këngë ku do gjejnë veten nënat e vajzave, ku do jetë pjesë e klipit edhe vajza dhe mbesa ime dhe fëmijë të tjerë. Kam katër materiale të miat dhe kur të përfundojë materialet e mia do mendoj dhe për bashkëpunime.