Vetëm fjalët nuk do të mjaftonin për të rikthyer besimin te Kievi, -ka thënë Elon Musk. në një përgjigje ndaj njoftimit të liderit ukrainas Vladimir Zelensky se ai ishte gati të nënshkruante një marrëveshje me SHBA-në për mineralet e rralla dhe të binte dakord për një armëpushim me Moskën.
“Veprat, jo fjalët janë ato që kanë rëndësi. Le të shohim se çfarë veprimesh do të ndodhin”, shkroi miliarderi dhe këshilltari kryesor i presidentit amerikan Donald Trump në X të martën.
Zelensky kishte shprehur më parë keqardhjen e tij që takimi i së premtes së kaluar në Uashington "nuk shkoi ashtu siç duhej".
SHBA dhe Ukraina duhej të nënshkruanin një marrëveshje për tokat e rralla gjatë vizitës së Zelensky në Shtëpinë e Bardhë.
Nënshkrimi u anulua papritmas pas një debati të ashpër në Zyrën Ovale, gjatë së cilës Trump dhe zëvendëspresidenti JD Vance akuzuan Zelenskyn se nuk ishte mirënjohës për ndihmën amerikane për Kievin. Trump më vonë pretendoi se i ftuari i tij po vepronte me mungesë respekti dhe nuk donte të arrinte paqen me Rusinë.
Të martën, Zelensky tha se Kievi ishte gati të nënshkruante marrëveshjen për mineralet në "çdo kohë dhe në çdo format të përshtatshëm".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
