Një sasi rekord, rreth 1 ton kokainë është sekuestruar sot nga Policia e Malit të Zi, sasia më e madhe e drogës e kapur ndonjëherë në këtë shtet.
Droga ishte e ndarë në 1205 pako, mbi të cilat ishte shkruar COVID, ndërkohë që në pranga kanë rënë dy persona.
Policia njoftoi zyrtarisht sot se në aksionin e koduar “187”, policia, në bashkëpunim me Administratën e të Ardhurave dhe Doganave, kapën 1,205 pako kokainë në Mojanovići, në Zeta, me një peshë totale mbi një ton.
“Droga u gjet në një ngarkesë me banane. Dy persona u privuan nga liria,” deklaroi Drejtoria e Policisë në Twitter.
Në lidhje me drogën e kapur, ka reaguar përmes një mesazhi në Twitter edhe zëvendëskryeministri malazez, Dritan Abazoviç.
Ne po bëjmë atë që kemi premtuar: Mali i Zi nuk do të jetë vend i krimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
