Avokati Franc Nuri tha në studion e MCN Live se çështja e dhunës së avokatit Sokol Mëngjesi nuk mund të quhet e zbardhur, pasi mungon dëshmia e viktimës, ballafaqimi i deklaratave të autorëve dhe arrestimi i të kërkuarve.
Duke vijuar, Nuri tha se pista se kjo ngjarje mund të ketë lidhje me çështjen Berisha nuk përjashtohet.
Nuk jam dakord me faktin që çështja është zbardhur. Nuk jam i bindur që çështja është zbardhur. Kam një version, çështja zbardhet kur shprehet prokuroria, e çon në gjykatë dhe gjykata jep një verdikt. Policia nuk e ka zbardhur. Çështja nuk është zbardhur ende. Nuk mund të zbardhet se viktima është në gjendje kome, nuk flet, duhet dëgjuar versioni i tij. Ai mund të vijojë edhe për disa ditë dhe nuk e jep dëshminë. Është vetëm një person i arrestuar dhe 3 janë në arrati.
Personi i dytë i ndaluar, Dritan Nano qësipas policisë që është porositësi, e mohon kategorikisht që të ketë gisht. Si mund të jetë e zbardhur kur që të dy të ndaluarit japin versione të ndryshme të ngjarjes. Ne nuk kemi dëshminë e personit të dëmtuar. Pa u arrestuar të gjithë, pa u marrë në pyetje autorët, pa u ballafaquar deklarimet e të gjithëve çështja nuk është e mbyllur.
Duhet të kryhen veprime hetimore në aspektin e hetimit të thelluar, në përgjimin e telefonave, në përgjimet ambientale dhe me arrestimin e autorëve. Kjo ngjarje nuk mund të quhet e zbardhur kaq shpejt. Në disa media, që në mëngjes, pa u ndaluar një nga autorët u fol se ka të bëjë me konflikt pronësie. Si e dinë mediat që herët paradite që ishte për pronësinë dhe më pas i pari që u dorëzua, u dorëzua pasdite.
Ne nuk mund ta përjashtojmë që mund të ketë lidhje me Berishën. Është pistë që duhet hetuar edhe Gjokutaj nuk e përjashton këtë pistë dhe mesa kuptova edhe ai ka dyshimet e veta në lidhje me faktin dhe me çfarë ka ndodhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
