Një efektiv policie në Kosovë, ka vrarë me armën e shërbimit vëllanë e tij. Ngjarja e rëndë ka ndodhur në fshatin Gushtericë të Lipjanit, pak pas mesditës së sotme, në rrethana ende të paqarta.
Policia e Prishtinës tha zyrtarisht se sot rreth orës 15:00, është marrë informacion për të shtëna me armë zjarri, në fshatin Gushtericë e Poshtme të Graçanicës.
Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të cilat kanë konstatuar në një person pa shenja jete.
Policia thotë se vdekjen e viktimës e ka konstatuar ekipi mjekësor në vendngjarje.
Personi i dyshuar, zyrtar policor, është arrestuar ndërkohë që aktualisht hetuesit policor në bashkëpunim me IPK-në, kanë nisur një hetim për sqarimin e të gjitha rrethanave që lidhen me rastin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
