Besimtarët myslimanë festojnë sot Kurban Bajramin, festën më të rëndësishme në kalendarin e myslimanëve. Mijëra u mblodhën sot në sheshin ‘Skëndërbej’ për faljen e namazit teksa për mikrofonin e MCN live, shprehën urimet dhe dëshirat për këtë festë të madhe. “Kjo festë ka rëndësi për ne, sepse është festë e mirësisë, teksa i pasuri duhet ti jap të varfërit, sepse kështu ka urdhëruar i madhi Zot. Kam vite që e festoj edhe kur ishte e ndaluar si festë”. “Jam zgjuar që në ora 5 të mëngjesit, jam 10 vjeç, kam ardhur më babin. Kam që i vogël që e festoj”. “Për të gjithë besimtarët është festë e sakrificës, që nga Profeti Ibrahim, e deri në ditët e sotme”. “Ne blejmë kurban dhe thërrasim mysafir, i ndajmë me ta, kështu e festojmë që kur kam lindur, jam 13 vjeç”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
