Sërish përplasje mes ministrit të Jashtëm, Ditmir Bushati, dhe deputetëve të PD-së në komisionet parlamentare. Pas debateve të javës së shkuar me demokratin Genc Pollo, Bushati ka shkëmbyer replika me Tritan Shehun.
Debati në komision
Tritan Shehu: Të taksojmë dhe ajrin, dhe mbyllim gropat në buxhetin e shtetit.
Ditmir Bushati: 17% është rritja e buxhetit për Ministrinë e Jashtme
Mimi Kodheli: Buxheti 2018, a është i mjaftueshëm për zërin e regjistrimit të shqiptarëve jashtë Atdheut?
Edi Paloka: Ai ka numëruar puset, nuk numëron dot fushat me kanabis…ambasadorët flasin për peshqit e mëdhenj
Mimi Kodheli: Respektoni komisionin.
Klevis Balliu: Ministri i përgjigjet pyetjes. Lëre se çfarë ka bërë ai në 2015, apo ditë më parë. Shkoi në Kakavijë jo si ministër, por si teknik kompjuterësh.
Ditmir Bushati: E kuptoj shqetësimin e komisionit, por unë e dua opozitën… aq shumë e dua, sa që më dhimbset për nivelin e përfaqësimit. Për çfarë do të flasësh, për marrëveshjen e detit, që e bëtë aq bukur?
Tritan Shehu: Avash, se po e kaloni cakun.
Ditmir Bushati: Mbylli veshët nëse nuk do të dëgjosh. Futeni kokën si struci.
Tritan Shehu: Mos e prishni mbledhjen…Frikë nga FBI duhet të kenë ata që e mbushën vendin me kanabis. Duhet të votojmë kundër këtij buxheti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
