Izraeli ka kryer krime lufte në Rripin e Gazës duke zbatuar një “dënim kolektiv” të popullatës palestineze pas masakrës së kryer nga Hamasi më 7 tetor.
Akuza vjen nga zyra e Kombeve të Bashkuara e cila merret me çështje humanitare.
“Dënimi kolektiv është krim lufte. Ndëshkimi kolektiv i Izraelit për të gjithë popullsinë e Gazës duhet të ndalet menjëherë”, tha Ravina Shamdasani, zëdhënëse e Komisionerit të Lartë të OKB-së për të Drejtat e Njeriut, në një konferencë për shtyp në Gjenevë.
Hamasi, shpjegon agjencia e OKB-së, kreu gjithashtu krime lufte dhe mizori më 7 tetor dhe vazhdon t’i kryejë ato duke mbajtur peng civilë.
Në vijim Shamdasani u kërkoi grupeve palestineze të ndalonin sulmet pa dallim kundër Izraelit.
Lidhur me “rrethimin” e plotë të Gazës të shpallur nga Izraeli, Shamdasani tha se “për 2.2 milionë banorët që jetojnë në Gaza është një katastrofë humanitare dhe dënim kolektiv”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
