Shkolla 9-vjeçare e Domjes ‘Vajdin Lamaj’ përballet me problematika të shumta, kur ka prani të reshjeve të shiut, ku jo vetëm përmbytet fusha e sportit dhe oborri i shkollës, por madje uji depërton edhe në ambiente për shkak të çarjes së soletës.
Nëndrejtori i këtij institucioni, Shuaip Memishaj thotë se pushteti lokal, më konkretisht bashkia Vorë nuk ka bërë asnjë ndërhyrje.
“Ne kemi edhe problemin e soletës qe është problem akut sepse soleta pikon. Problemi i fushës se sportit ka qene një problem nder vite gjithsesi është ndërhyre vetëm nga bordi i shkollës dhe donatoret e zones. Për nga ana e pushteti lokal nuk kam pare ndonjë investim te mundshem me përjashtim te sistemimit te kanaleve te ujerave te zeza. Gjithmonë ka pas përmbytje, madje ka qene me keq se kaq.”, u shpreh Memishaj.
Memishajt kërkon zgjidhje të menjëhershme të këtyre problematikave të mbartura
“Kemi patur problem te vendosen edhe disa polica te shtrire ne lidhje me rrugen Domie Laknas e cila është nje rruge e rrahur me makina ku kalojne 900 nxenes dhe eshte problem dhe kemi patur dhe probleme te kesaj natyre.”, përfundoi Memishaj.
MCN kërkoi edhe një koment nga ministria e Arsimit nëse ishte në dijeni të situatës, por nuk mori asnjë përgjigje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
