Roland Bejko nuk do të jetë ndër demokratët që do ta presin Berishën të mërkurën në takimin e tij me bazën në Gjirokastër. Në studion e lajmeve të MCN, Bejko tha se e konsideron lëvizjen e Berishës si të motivuar vetëm nga interesat personale dhe që po dëmton partinë.
Nuk do të jem aty. E shoh si një lëvizje personale të zotit Berisha. Do të vazhdoj të mbaj këtë qëndrim: është lëvizje personale në dëm të PD. Jo se PD ishte në rregull, por PD ka vijuar në stilin berishist, mbeti parti kryetari. Ishte një parti që edhe mënyrën e të bërit politikë e bënte ndryshe. Kjo ndodhi sepse ishte parti me dy kryetarë, një që kishte firmën dhe vulën dhe një tjetër që e mbështeste dhe e orientonte. Kur Berishës iu prish interesi, ai përdori një fjalor punist. Deri më dt. 9 Basha ishte i mirë e i durueshëm.
Bejko bëri edhe një parashikim për partinë në rast të largimit të Bashës nga drejtimi i saj.
Edhe sikur ta marrë Berisha partinë dhe të vendosë dikë tjetër, me statusin non grata dhe me Amerikën kundër, kurrë nuk vijmë në pushtet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
