Një alpinist amerikan humbi jetën gjatë një ekspedite në Everest. Agjencia që organizon misionin komunikoi humbjen e jetës, duke specifikuar se alpinisti “nuk është ndjerë mirë dhe ka vdekur në kampin 2”.
“Po bëhen përpjekje për të rikthyer trupin e tij”, tha Beyul Adventure Sherpa Pasang Tshering.
Sezoni pranveror i ngjitjes në Everest pati një fillim tragjik muajin e kaluar me vdekjen e tre alpinistëve nepalezë në Everest.
Treshja po kalonin akullnajën Khumbu si pjesë e një misioni furnizimi kur një bllok akulli akullnajor ra dhe i përfshiu në një të çarë të thellë.
Nepali ka lëshuar deri më tani 466 leje për alpinistët e huaj dhe duke qenë se shumica do të kenë nevojë për një udhërrëfyes, më shumë se 900 njerëz do të përpiqen të arrijnë majën këtë sezon, i cili zgjat deri në fillim të qershorit.
Mesatarisht, rreth pesë alpinistë vdesin çdo vit në majën më të lartë në botë.
Por në vitin 2019, 11 persona vdiqën, me katër prej vdekjeve të fajësuara për mbipopullimin atë vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
