Kryeministri i Kosovës, Albin Kurti, ka paralajmëruar rikthim te rezoluta e 7 dhjetorit të vitit 2011, sa i takon taksës 100% mbi mallrat serbe. Rezoluta para shikon reciprocitetin politik, ekonomik dhe tregtar me Serbinë. Një rezolutë-platformë tjetër me parimet e dialogut do të miratohet në Kuvendin e Kosovës, ku do të përfshihen parimet mbi bazën e të cilave duhet të udhëhiqet dialogu - është zotimi tjetër i partnerëve qeverisës, VV-LDK, shkruan sot “Koha Ditore”.
Kabineti i kryeministrit Kurti po shqyrton përshtatjen e rezolutës me realitetin aktual, në mënyrë që të zëvendësohet taksa 100%.
Rezoluta e vitit 2011 ka tri pika. E para, e detyron qeverinë të marrë masa të plota reciproke politike, ekonomike dhe tregtare ndaj Serbisë. Kurse në pikën e dytë thuhet se “Ministria e Tregtisë dhe Industrisë të nxisë dhe udhëheq bashkëpunimin me prodhuesit vendorë dhe ndërmarrjet tregtare për gjetjen e zëvendësimeve për produktet nga Serbia. Po ashtu, kërkohet që qeveria t’i forcojë të gjithë mekanizmat shtetërorë për ta siguruar zbatimin e përpiktë të masave të reciprocitet.
Disa muaj pas kësaj rezolute, kryeministri i atëhershëm, tani president, Hashim Thaçi, pati imponuar një kundërrezolutë që praktikisht anulonte reciprocitetin me Serbinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
