Kryeministri Edi Rama dhe ministri i Brendshëm, Saimir Tahiri, kanë shmangur çdo koment në lidhje me shkarkimin e ministrit të Drejtësisë dhe akuzt që ai hodhi në drejtim të tyre pas këtij vendimi.
Në daljet e tyre publike sot, Rama dhe Tahiri, nuk bënë asnjë koment në lidhje me zhvillimin e djeshëm në kabinetin qeveritar.
Megjithatë, gazetarët kanë ngulur këmbë duke i drejtuar Tahirit një pyetje në lidhje me akuzat e Manjanit. Tahiri është shprehur se qeveria e ka seriozisht me luftën kundër korrupsionit.
Zoti Manjani tha që është kërkuar shkarkimi tuaj. Keni koment?
Tahiri: Unë besoj që qytetarët e kanë të qartë domosdoshmërinë që kemi ne për të luftuar korrupsionin brenda Policisë së Shtetit. Ashtu sikurse e kanë të qartë se kjo nuk është një betejë që fitohet vetëm nga punonjësit e policisë, kjo është një betejë që fitohet bashkë me qytetarët. Policët po bëjnë maksimumin dhe 39 të arrestuar vetëm gjatë janarit është prova më e mirë. Është po njëlloj kujtesa më e mirë për këdo që nuk e ka kuptuar se ne e kemi seriozisht me luftën kundër korrupsionin dhe është përgjigje e mjaftueshme për çdo pyetje tuaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
