Presidenti i Bjellorusisë, Alexander Lukashenko, i kërkon Ukrainës dhe Rusisë që të ulen në tryezën e bisedimeve dhe t’i japin fund luftës, por ende kërcënon me përdorimin e armëve taktike bërthamore nëse kufijtë e Bjellorusisë shkelen nga armiku.
Duke iu referuar konfliktit dyvjeçar e gjysmë që filloi me pushtimin e plotë të Ukrainës nga Rusia dhe ka lënë qindra mijëra të vdekur, Lukashenko tha: “Le të ulemi në tryezën e bisedimeve dhe t’i japim fund kësaj përleshjeje”.
As populli ukrainas, as rusët, as bjellorusët nuk kanë nevojë për këtë. Janë ata në Perëndim që kanë nevojë për luftën.
Unë nuk mund t’i zbuloj këto fakte, ato janë absolutisht të klasifikuara.
Por ndonjëherë ata flasin hapur, njerëz të rangut të lartë duke thënë, le të rrahin njëri-tjetrin, ukrainas, rusë, le të vdesin të gjithë në këtë kazan.
Nën Lukashenkon, i cili është një aleat i ngushtë i presidentit rus Vladimir Putin, Bjellorusia ka lejuar trupat ruse të sulmojnë Ukrainën përmes territorit të saj.
Ushtria e Ukrainës kontrollon mbi 1000 kilometra katrorë të territorit rus në rajonin e Kurskut.
Në sfondin e operacionit Kursk, Lukashenko dërgoi trupa në kufirin me Ukrainën kohët e fundit për të ndaluar përparimin e mundshëm të Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
